Сардэчна Вас запрашаем на адкрыццё выставы "Анатомія"  ў межах якой можна пабачыць і фотаздымкі  вядомага чэшскага мастака Здэнека Лготэка.

Здэнэк Лготак - прафесійны чэшскі фатограф. Ён стаў вядомы яшчэ ў васьмідзесятыя гады дзякуючы сваім дакументальным фотаздымкам, прысвечаным сацыяльным праблемам спорту і разбурэнню унікальнай тыбецкай культуры. Ужо тут ён раскрывае сваю ідэю пры дапамозе паказу фігур людзей і дэталяў гэтых фігур.

У апошні час Здэнэк Лготак, у асноўным, звяртаецца да тэматыкі чалавечага цела. Яго фотаздымкі дэталяў ўласнага цела ўтвараюць няскончаны цыкл "Аўтапартрэты". Гэтыя здымкі стылізаваныя, абстрактныя, часта немагчыма зразумець, якая частка цела на іх паказана. У яго інсталяцыях ёсць гумар, самаіронія, пародыя і самааналіз. Цела для яго - не проста прадмет, а хутчэй сродак адлюстравання, якім ён карыстаецца, каб распавесці аб адноснасці разумення эстэтычных каштоўнасцей: прыгажосці і пачварнасці, мужчынскага і жаночага пачаткаў.

Тое, што мы бачым на фотаздымках Лготака - гэта месца, у якім знаходзіцца фотаапарат, які зліўся з целам фатографа. Гэта месца, у якім трансфармуюцца і дэстабілізуюцца нашыя звычайныя чакання і погляды на фатаграфічны вобраз як адлюстраванне знешняй рэальнасці, руйнуюцца стэрэатыпы.

 

 

Адкрыццё  праекта «Anatomia» у Мінску

 

З 16 чэрвеня па 11 ліпеня 2014 года ў Цэнтры сучасных мастацтваў (Мінск)  будзе праходзіць выстава ў рамках праекта «Anatomia».

«Anatomia» -- міжнародны праект у вобласці візуальных мастацтваў, аб'ектам даследавання якога з'яўляюцца праблемы ўспрымання цела (межы цела, самаідэнтыфікацыя, разбурэнне цялесных стэрэатыпаў, эратычнае ўспрыманне цела) і цялеснасць.

Першая выстава ў рамках праекта адбылася ў красавіку 2013 года ў горадзе Віцебску на дзвюх вядучых пляцоўках: Арт-цэнтры Марка Шагала і Віцебскім цэнтры сучаснага мастацтва. У ёй прынялі ўдзел 18 мастакоў і фатографаў з Беларусі, Францыі, Чэхіі і Латвіі. Роўна праз год у тых жа залах адбылося адкрыццё другой выставы ў рамках праекта, якая сабрала 19 удзельнікаў з Беларусі, Чэхіі і Польшчы.

Экспазіцыя праекта «Anatomia» ў Мінску аб'яднае працы ранейшых ўдзельнікаў і такім чынам дасць магчымасць асэнсаваць матэрыял, напрацаваны за два гады.

У рамках праекта адбудзецца творчая сустрэча з фатографам Здзенекам Лготакам (Прага, Чэхія) / http://www.lhotak.com/

Аўтар і куратар праекта «Аnatomia» -- Дзіна Даніловіч

Задачы праекта:

·        прадстаўленне аўтараў, якія выкарыстоўваюць розныя візуальныя падыходы і тэхнікі падчас працы з тэмай цела і цялеснасці;

·        стварэнне інфармацыйна-культурнай прасторы для магчымасці далейшага

     развіцця канцэптуальнай мовы «гаварэння» пра цела;

·        фарміраванне ў гледача досведу ўспрымання цела як аб'екта даследавання розных мастацкіх практык;

·        азнаямленне аўдыторыі не толькі з сучаснымі праектамі і маладымі аўтарамі, але і з напрацаваным раней матэрыялам па тэме цялеснасці.

Узроставае абмежаванне  +18.

Спіс удзельнікаў праекта:

Здзенек Лготак / Чэхія

Ігар Саўчанка / Беларусь

Уладзімір Парфянок / Беларусь

Сяргей Кажамякін / Беларусь

Канстанцін Селіханаў / Беларусь

Віктар Сянькоў / Беларусь

Антон Сянькоў / Беларусь

Сяргей Ждановіч / Беларусь

Уладзімір Макаркоў / Беларусь

Аляксей Літвінка / Беларусь

Вольга Хахлова / Беларусь

Таццяна Лісоўская / Беларусь

Алёна Гайдук / Беларусь

Ганна Аксёнава / Беларусь

Радаслаў Берэнт / Польшча

Дзіна Даніловіч / Беларусь

Арганізатары і партнёры:

Цэнтр сучасных мастацтваў, Мінск

Віцебскі цэнтр сучаснага мастацтва

Амбасада Чэшскай Рэспублікі ў Рэспубліцы Беларусь

Чэшскі культурны цэнтр у Кіеве

Польскі Інстытут у Мінску

Мастацкі ўніверсітэт у Познані

Фонд Мастацкага ўніверсітэта ў Познані

Цэнтр фатаграфіі Studio67 / http://studio67.by/

Інфармацыйны партнёр:

FILET magazine / http://www.filetmagazine.com/

Прэс-канферэнцыя для прадстаўнікоў СМІ: 16 чэрвеня – 17.00

Адкрыццё: 16 чэрвеня – 18.00

Творчая сустрэча са Здзенекам Лготакам (Прага, Чехія) – 17 чэрвеня – 18.00

Адрас: Цэнтр сучасных мастацтваў, г. Мінск, вул. Някрасава, 3

Час працы: 11.00 – 17.30

Выходныя: субота, нядзеля

Тэл. 262-62-15, 399-09-77    

                                                                                  Дадатковая інфармацыя па тэл.:

Дзіна Даніловіч, куратар праекта (+375297163735)

e-mail: dzina.dan@gmail.com