Прием по повод државните празници
06.10.2014 / 12:04 | Aktualizováno: 06.10.2014 / 12:07
(This article expired 07.04.2015.)
По повод претстојните државни празници на Република Чешка, Амбасадата на Република Чешка организираше прием во просториите на Националната галерија во Скопје.
Дел од приемот беше и официјалното отворање на заедничката изложба на двајца чешки уметници Јиржи Кованда и Петра Јовановска. Истовремено се предадоа и дипломите и медалите на децата кои беа наградени во овогодинешното издание на меѓународната детска ликовна изложба Лидице.
Настанот се одржа во Чифте Амам – поранешна турска бања, која во денешно време се користи како изложбен простор на Националната галерија на Македонија. На официјалното отворање на заедничката изложба учествуваа и двајцата уметници кои изложуваа. Приемот го отвори со уводниот говор на директорката на Националната галерија Маја Неделковска – Брзанова и Амбасадорот Мирослав Рамеш. Следеше предавање на дипломите и медалите на успешните учесници на меѓународната детска ликовна изложба Лидице, натпревар кој меѓу македонските деца од година во година добива сѐ поголема популарност.
На приемот учествуваа и неколку членови од Владата на Република Македонија, скоро целиот дипломатски кор и бројни уметници, сограѓани и пријатели на Република Чешка.
Follow us on