Festivali zhvillohet çdo vit në javën e dytë të gushtit dhe në të marrin pjesë grupet folklorike jo vetëm nga Shqipëria, por edhe nga Mali i Zi dhe Kosova. Festivali, i listuar mes projekteve të BE-së për bashkëpunimin ndërkufitar, është një festë e përvitshme që prezanton kostumet, vallet dhe këngët nga krahina të ndryshme të Alpeve Shqiptare, të vizituara gjerësisht nga vendasit, por edhe nga turistët e huaj. Pjesë e festivalit është edhe votimi i vajzës më të bukur të Alpeve Shqiptare, ndërsa juria gjithashtu përzgjedh kostumin me të bukur e të stolisur.