Të hënën, 28 janar, hyrja do të jetë me ftesa, ndërsa të martën, 29 janar, do të jetë e hapur, pa pagesë, për publikun e gjerë. Filmi do të jetë i përkthyer me titra në gjuhën shqipe dhe angleze.

         Shfaqja e këtij filmi është organizuar për të përkujtuar 20 vite ekzistece të Republikës Çeke si dhe për ti bërë homazh presidentit të parë të Republikës Çeke, zotit Vaclav Havel, i cili ndërroi jetë një vit më parë.

Filmi e paraqet Z. Vaclav Havel si në situatat e zakonshme ashtu edhe në ato më të jashtëzakoshment, si një politikan dhe si një intelektual. Në të njëjtën kohë filmi paraqet mjedisin social e politik të Republikës Çeke, në momentet e saj historike të transformimit demokratik dhe rindërtimit të vendit në skenën internacionale, duke përfshirë dhe anëtarësimin në NATO dhe në Bashkimin Europian, menjëherë pas ndarjes nga Republika e Çekoslloavakisë, në dy shtete të pavarur, gjatë periudhës se 2 mandateve presidenciale te Z. Vaclav Havel, në vitet 1993-2003.

Mbi të gjitha, filmi e paraqet trashëgiminë e Vaclav Havel-it si trashëgiminë e një prijësi demokrat, që vlerësonte prosperitetin e përbashkët të shoqërisë dhe të të gjithë njerëzimit, përmbi përfitimet e veta si individ, një trashëgimi e tillë – sipas opinionit të Ambasadës – nuk duhet harruar.