Veçanërisht turizmi, por edhe fushat e ruajtjes së mjedisit u identifikuan gjatë takimeve me prefektët e qarqeve dhe kryetarët e bashkive si fusha tepër të rëndësishme dhe me potencial për bashkëpunimin reciprok. B. Tomášová u takua në Vlorë me prefektin Eduard Veçani, në Gjirokastër me prefekten Mimoza Çomo dhe kryetarin e bashkisë Flamur Bime, kurse në Sarandë me zëvendësprefektin Gjergji Mano dhe kryetarin e bashkisë Stefan Çipa.

E shoqëruar nga kryebashkiaku Çipa, B. Tomášová vizitoi Parkun Kombëtar antik arkeologjik të Butrintit që gëzon mbrojtjen e UNESCO-s dhe mori pjesë në praninë e Ministrit të Turizmit Shqiptar Aldo Bumçi dhe të Ambasadorit Amerikan në Shqipëri Alexandr Arvizu në ceremoninë e përurimit të projektit të sistemit elektronik të biletave për hyrjen në park. Kryetari i Bashkisë së Sarandës Stefan Çipa e siguroi Ambasadoren Çeke për interesin e vazhdimit të iniciativës së drejtuesve të mëparshëm të Bashkisë dhe zhvillimin e partneritetit me Njësinë Bashkiake të Pragës 6.