Ambasadorja u takua në kuadër të vizitës së saj në kryeqytetin e dikurshëm shqiptar me Prefektin e Qarkut të Durrësit Genci Alizoto, me Kryebashkiakun e Durrësit Vangjush Dako, Drejtorin e Përgjithshëm të Hekurudhave Shqiptare Zamir Ramadani dhe Drejtoren e Festivalit Ndërkombëtar të Filmit Durrës Anila Varfi. Ambasadorja Çeke u njoh gjatë këtyre takimeve me rajonin e Durrësit dhe diskutoi me përfaqësuesit shqiptarë për fushat e mundshme të bashkëpunimit reciprok me Republikën Çeke, veçanërisht në sektorin e teknologjisë mjedisore, transportit, turizmit dhe arsimit.