Darkë pune e Ambasadorëve të Grupit të Vishegradit në Tiranë me Kryetarin e LSI-së Ilir Meta
24.05.2012 / 12:15
Në datë 23 maj 2012 u organizua në Rezidencën e Ambasadores Çeke në Shqipëri një darkë pune e Ambasadorëve të Grupit të Vishegradit në Tiranë me Kryetarin e Lëvizjes Socialiste për Integrim (LSI) - pjesë e koalicionit qeveritar, ish Kryeministrin dhe Ministrin e Punëve të Jashtme të Shqipërisë, zotin Ilir Meta.
Temat kryesore të bisedimeve ishin zgjedhja e Presidentit, reforma zgjedhore dhe integrimi i Shqipërisë në BE. Ambasadorët e vendeve të Grupit të Vishegradit në Tiranë kanë bërë apel për gjetjen e një kandidati konsensual për postin e Presidentit të ri, i cili do të gëzonte mbështetjen e të gjithë spektrit politik në vend.
