Në koncert ishin të pranishëm përfaqësues të shtetit shqiptar, si p.sh. Kryetarja e Kuvendit Jozefina Topali apo Ministri i punëve të Jashtme Edmond Panariti, pjesëtarë të Trupit Diplomatik, drejtues të kompanive çeke që ushtrojnë aktivitetin e tyre në Shqipëri, qytetarë çekë dhe personalitetet të tjera me lidhje të përbashkëta me dy vendet.

Ambasadorja e Republikës Çeke Bronislava Tomášová nënvizoi në fjalën e saj të hapjes nivelin e lartë të marrëdhënieve reciproke midis dy vendeve dhe shprehu besimin e saj në thellimin e mëtejshëm të tyre. Më pas Ministri i Punëve të Jashtme të Republikës së Shqipërisë Edmond Panariti falenderoi gjatë fjalimit të tij ndër të tjera Republikën Çeke për mbështetjen e Shqipërisë në procesin e integrimit europian.

Koncerti vetë përmbante vepra të famshme nga muzika klasike e kompozitorëve çekë dhe shqiptarë, si p.sh. arien “Rusalka” të A. Dvořák apo simfoninë e tij “Bota e Re”. Ariet u kënduan nga sopranistja e re çeke Barbora Perná dhe tenori i ri i talentuar shqiptar Elson Braha. Në pultin e dirigjentit u praqitën njëri pas tjetrit dirigjenti shqiptar Valmir Xoxa dhe Karel Smékal, Zëvendësambasadori i Republikës Çeke në Shqipëri, i cili ka studiuar, para se të hynte në shërbimin diplomatik, në Konservatorin e Pragës për kompozim dhe dirigjim.