Ambasadorja Çeke nënvizoi gjatë takimit vijimësinë e mbështetjes për Shqipërinë në rrugën e saj të integrimit në BE. Përveç agjendës së integrimit, pjesë e bisedimeve ishin edhe marrëdhëniet e Shqipërisë me vendet e rajonit dhe projekti i krijimit të fondit për Ballkanin Perëndimor, iniciativë kjo e Republikës Çeke në kuadër të Presidencës Çeke të Grupit të Vishegradit. Duke u ndalur në marrëdhëniet bilaterale, u diskutua ndër të tjera për vizitën e ardhshme të Kryeministrit të Republikës Çeke Petr Nečas në Tiranë, si dhe bashkëpunimi ekonomik midis dy vendeve.