Երևանում Դեսպանություն

հայերեն  english  česky 

մանրամաս փնտրել

Article notification Print Decrease font size Increase font size

Չեխիայի դեսպանատան գործերի ժամանակավոր հավատարմատար Պետր Միկիսկայի այցը Սյունիքի մարզում

ՀՀ Սյունիքի մարզպետ Վահե Հակոբյանն ընդունեց Հայաստանի Հանրապետությունում Չեխիայի Հանրապետության դեսպանատան գործերի ժամանակավոր հավատարմատար Պետր Միկիսկային:

Մարզպետը շնորհավորեց դիվանագետին` այցի կապակցությամբ և հաջողություններ մաղթեց հետագա գործունեության մեջ` վստահություն հայտնելով, որ դիվանագետն իր ներդրումը կունենա երկու բարեկամ երկրների հարաբերությունների ամրապնդման, ինչպես նաև Սյունիքի մարզի զարգացման գործում:

Զրուցակիցներն անդրադարձան փոխադարձ հետաքրքրություն ներկայացնող հարցերին: Երկուստեք դրական գնահատվեց Հայաստանի և Չեխիայի տարբեր քաղաքների, մարզերի ու նահանգների միջև գործընկերային կապերի հաստատման գործընթացը: 

Մարզպետ Վ. Հակոբյանը Պետր Միկիսկային ներկայացրեց մարզի ներդրումային պատկերը և հանդես եկավ առաջարկությամբ Սյունիքի մարզի և չեխ գործարարների փոխգործակցության ակտիվացման վերաբերյալ:
Վ. Հակոբյանը հատկապես անդրադարձավ ապակենտրոնացված մակարդակով գործակցության զարգացման հեռանկարներին: Մարզպետը հույս հայտնեց, որ հետագայում սկիզբ կդրվի Սյունիքի և Չեխիայի Հանրապետության մարզերի ու քաղաքների միջև գործակցությանը:

Կողմերը քննարկեցին նաև ապակենտրոնացված մակարդակով փոխգործակցության ընդլայնման հնարավորությունները` արձանագրելով, որ առկա է նման ձևաչափով գործընկերային կապերի զարգացման ներուժ:
Պետր Միկիսկան պատրաստակամություն հայտնեց աջակցել երկկողմ շփումների խորացմանն ուղղված բոլոր նախաձեռնություններին:

http://syunik.gov.am/news/item/2014/03/21/Marzpeti_handipum_Chexiayi_despa/

http://syunik.gov.am/news/item/2014/03/24/Despani_ayc_dzernarkutyunner/

http://www.aravot.am/2014/03/21/443241/