по-русски  па-беларуску  česky 

Пашыраны пошук
na_celou_sirku
Фота: JP
Звяртаем увагу на артыкул надрукаваць Змяніць шрыфт Павялічыць памер шрыфту

Перадача гуманітарнай дапамогі, прадастаўленай у рамках праграмы V4 East Solidarity

2 снежня 2020 года ў Пасольстве Чэшскай Рэспублікі ў Мінску адбылася ўрачыстая перадача гуманітарнай дапамогі са сродкаў, прадастаўленых Міжнародным Вышаградскім фондам у рамках праекта дапамогі краінам Усходняга партнёрства “V4 East Solidarity”.
 

Гуманітарная дапамога, у якой былі сродкі індывідуальнай абароны, якія выкарыстоўваюцца для барацьбы з каронавіруснай інфекцыяй (некалькі тысяч аднаразовых медыцынскіх масак і рэспіратараў другой і трэцяй ступені, аднаразовыя медыцынскія касцюмы, плашчы, медыцынскія шапачкі, тэрмометры, ачышчальнікі паветра і сотні літраў дэзінфікуючых сродкаў), была перададзена ў дабрачынны фонд КАРЫТАС Мінска-Магілёўскай архідыяцэзіі Рымска-каталіцкай царквы, якая забяспечыла наступную перадачу сродкаў абароны бальніцам раённых гарадоў Чэрвень і Беразіно Мінскай вобласці.

На цырымоніі ўручэння прысутнічалі Пасол Чэшскай Рэспублікі ў Беларусі Томаш Перніцкі, Часовы павераны ў справах Славацкай Рэспублікі ў Беларусі Генрых Сасай і дыпламаты пасольстваў Польшчы і Венгрыі.

Humanitární pomoc