Agjencia Çeke e Zhvillimit ndihmon të verbëritë e Kosovës
27.06.2017 / 20:05 | Aktualizováno: 27.06.2017 / 20:07
Më 23 qershor 2017, ambasadori i Çekisë, Ivo Šilhavý, mori pjesë në mësimet e zhvilluara në kuadër të projektit “Integrimi i njerëzve me vështirësi në të pamë dhe parandalimi i dëmtimit të të pamurit në Kosovë 2015 – 2017”. Ky projekt financohet nga Agjencia Çeke për Zhvillim dhe realizohet nga OJQ “People in Need Foundation” e Shoqata e të Verbërve të Kosovës. Në vijim të projektit tri klinika të syrit: në Prishtinë, në Pejë dhe në Prizren përfitojnë pajisje oftalmologjie duke synuar përmirësimin e diagnostikimit dhe trajtimit ë sëmurjeve të syrit për fëmijë dhe të rritur. Ambasadori çek, Ivo Šilhavý shprehu kënaqësinë e tij për këtë ngjarje dhe theksoi rëndësinë e Bashkëpunimit Zhvillimor Çek në Kosovë, në fushën e sistemit shëndetësor. Kryetari i Shoqatës së të Verbërve të Kosovës, Bujar Kadriu, çmoi lart bashkëpunimin me Ambasadën e Çekisë dhe me partnerët tjerë çek.
Dy mësuesit çek, nga organizata “Tyfloservice”, z. Petr Mach dhe znj. Lenka Housková, po i mësojnë 11 mësues kosovar për të verbëritë në çështjen e lëvizshmërisë dhe orientimit, nga 19 qershori deri më 30 qershor 2017. Pas mësimit të gjithë këta 11 mësues do të ndihmojnë dhe mësojnë të verbëritë në tërë Kosovën.
Follow us on