Që nga viti 2008, Ambasada e Çekisë në Prishtinë bashkë me Shoqatën e të Verbërve të Kosovës dhe partnerët tjerë, kanë realizuar shumë projekte duke synuar përmirësimin e standardeve të jetës, lobimin për ligjin për të verbërit, përfshirjen shoqërore, integrimin, zbulimin dhe intervenimin e hershëm të vështirësve në të pamë, mësime, pajisje të teknologjisë informative dhe vizita studimore. 

Shoqata e të Verbërve të Kosovës për çdo vit shënon Javën Ndërkombëtare të Shkopit të Bardhë, dhe me këtë rast u jep mirënjohje personaliteteve dhe dhuruesve për veprimtarinë e tyre përkrahëse për të verbërit. Sivjet mirënjohjet iu dhanë, pos tjerëve edhe, zëvendëskryeministrit, Hajredin Kuçi, zëvendësministres për punë dhe mirëqenie shoqërore, Rita Hajzeraj, dhe përfaqësuesit të “Ambasadorëve të Rinjë”, Eronita Rexhepi.