Në hapjen zyrtare të Qendrës së V-të Burimore për Shëndetin e Femrës morën pjesë zëvendësministri i shëndetësisë, z. Izet Sadiku, zëvendës udhëheqësi i Ambasadës së Çekisë, z. Dušan Králík, dhe përfaqësuesit e komunës së Kaçanikut si dhe përfaqësues të institucioneve publike të Kosovës.

“Ne i jemi shumë mirënjohës Republikës së Çekisë për mbështetjen e vazhdueshme për Kosovën, dhe në veçanti për sistemin e shëndetit publik”, tha zëvendësministri për shëndetësi, Izet Sadiku.

Zëvendësministri  theksoi se hapja e një Qendre të këtillë në Kosovë, i udhëhequr nga profesionistët e Kosovës, konsiderohet të jet një përfitim i madh për nëna dhe fëmijë si dhe për institucionet publike të shëndetit në Kosovë.