Kjo ngjarje u organizua nga OJQ-ja çeke "Këshillimi për Shtetësinë/Të Drejtat Civile dhe të Njeriut" në bashkëpunim me organizatën partnere kosovare Programi për të Drejtat Civile në Kosovë. Seminari është pjesë e Projektit me të njëjtin emër, financuar dhe zbatuar në kuadër të Programit të Bashkëpunimit Transformues të Ministrisë së Punëve të Jashtme të Republikës Çeke. Seminari merr formën e ligjërimeve me pjesëmarrjen e ekspertëve nga Policia e Çekisë, me fokus në shkëmbimin e përvojave çeke në kuadrin e legjislacionit të dhunës në familje, në trajtimin e situatave specifike që ndërlidhen me dhunën në familje dhe në ofrimin e mbështetjes, për viktimat e dhunës, nga Policia Çeke dhe nga OJQ-të përkatëse çeke. OJQ-ja çeke përfaqësohej në punëtori nga Drejtori i saj Ekzekutiv, Miroslav Dvořák. Civil Rights Partner Kosova u përfaqësua nga Drejtori Ekzekutiv, Naim Osmani. Në punëtori morën pjesë përfaqësues dhe ekspertë nga Policia e Kosovës. Në fillim pjesëmarrësit e konferencës i përshëndeti zëvendës udhëheqësi i Ambasadës Çeke në Kosovë, Juraj Melioris.