Mjekësia dhe bashkëpunimi zhvillimor çek ndihmuan në ngritjen e kapaciteteve të sistemit shëndetësor të Kosovës

11.10.2016 / 12:50 | Aktualizováno: 12.10.2016 / 07:29

Më 10 tetor 2016, radiologjistja e shquar çeke Znj. Petra Steyerova mori pjesë në Simpoziumin e tretë Satelitor që u mbajt në Prishinë e u organizua nga “"Kosovo Open Medical Club" (KOMC). Profesionistëve të pranishëm, ajo, u prezantoi ligjëratën e titulluar “Qasjet e vjetra dhe të reja të pamjeve të gjirit”. Ambasadori çek, Ivo Šilhavý, në fjalën e tij hyrëse tregoi se sistemi i kujdesit shëndetësor është njëra nga përparësitë e projekteve të bashkëpunimit zhvillimor çek në Kosovë. Ndihma çeke në ngritjen e kapaciteteve të sistemit shëndetësor të Kosovës u vlerësua në fjalimet e ministrit të shëndetësisë së Kosovës, Imet Rrahmani, dhe nga kryetari i KOMC, Bujar Gjikolli. Me këtë rast Minisri i shëndetësisë së Kosovës i dha mirënjohje Ambasadës së Çekisë për bashkëpunim të jashtëzakonshëm.