ESMA, në Prishtinë, është një projekt që synon këmbimin e njohurive dhe përvojave më të mira të profesorëve të muzikës sikur edhe të studentëve dhe artistëve nga Evropa Perëndimore dhe ajo Jug-Perëndimore gjatë master klasëve të specializuara. Pjesë e Akademisë janë koncertet e profesorëve dhe të studentëve, shfaqjet operistike, dhe shfaqja e orkestrës së harqeve. Sivjet është regjistruar numri më i madh deri më tash i studentëve, që janë 170 veta, që janë nga: Kosova, Shqipëria, Maqedonia, Mali i Zi, Serbia, Bosnia dhe Hercegovina, Gjermania dhe Mbretëria e Bashkuar.   

ESMA u themelua nga ambasada e Çekisë në Prishtinë, më 2012, dhe këtë ngjarje ambasada e Çekisë e kishte organizuar sërish më 2013. Akademia ka arrit një sukses të lartë në Prishtinë dhe me iniciativën e ambasadës së Gjermanisë vazhdoi edhe më 2014, derisa më 2015 këtë akademi e organizon ambasada e Luksemburgut. Falë bashkëpunimit me Fakultetin e Muzikës në Pragë të Akademisë së Arteve të Shfaqura (HAMU) Republika e Çekisë do të përfaqësohet sërish. HAMU ka siguruar dy profesor vizitorë: Kamila Moťková (oboa) dhe Lukáš Moťka (trombonë), që të përfaqësojnë pamjet më të mira të muzikës tradicionale çeke së bashku me pianistin dhe pedagogon çek të muzikës Jaromír Klepáč që ishte ideator i ESMA-së.