Majori Jan Novotný dhe gruaja e tij Tereza Novotná ishin organizatorët kryesor të kësaj nisme. Grumbullimi humanitar, që u bë në Çeki nga prilli deri në mesin e qershorit 2016, arriti të tubojë tre ton veshje të fëmijëve, këpucë të fëmijëve, lojëra të ndryshme, artikuj higjienik dhe pajisje shkollore e sportive. Po ashtu, ngjarja e grumbullimit të fondeve u bë në kampin e KFOR-it në Prishtinë. Dhurimet materiale dhe financiare iu dorëzuan OJQ “Lighthouse”, në Mitrovicë, dhe “SOS Kosova”, në Prishtinë në korrik 2016, në bashkëpunim me Ambasadën e Çekisë e cila ofroi patronazhin e kësaj nisme humanitare.