Ekspozita “Heroinat Çeke” në Prishtinë
27.09.2022 / 13:15 | Aktualizováno: 03.10.2022 / 14:32
(This article expired 30.11.2023.)
Ambasada e Republikës Çeke, në Bibliotekën Kombëtare të Kosovës, prezantoi ekspozitën “Heroinat Çeke”.
Më 26 shtator, në Bibliotekën Kombëtare të Kosovës, në Prishtinë, u mbajt ceremonia e hapjes së ekspozitës “Heroinat Çeke”. Kjo ekspozitë u përgatit në bashkëpunim me Qendrat Çeke dhe Fakultetin e Dizajnit dhe Artit të Universitetit të Bohemisë Perëndimore, në Pilsen. Kjo ekspozitë sjell portrete të ilustruara të grave të rëndësishme, të parë me sytë e brezit më të ri të ilustruesve. Në fjalën e hapjes, Udhëheqësi i Ambasadës, z. Pavel Bílek theksoi rëndësinë e grave që ndikuan në historinë e trojeve çeke. Këto gra frymëzuese nuk hoqën dorë nga ëndrrat e tyre dhe lanë gjurmë të rëndësishme si artiste, politikane, luftëtare lirie, shkencëtare dhe sportiste. Ato, ndikuan në historinë e tokave çeke dhe një numër i madh i tyre fituan një vlerësim ndërkombëtar.
Hapjes së ekspozitës, të cilën Ambasada e Republikës së Çekisë e përfshiu në mesin e ngjarjeve të organizuara në Kosovë për Presidencën çeke të Këshillit të BE-së, iu bashkuan përfaqësues të ministrive të Kosovës dhe personalitete të tjera të rëndësishme të jetës kulturore dhe shoqërore si dhe përfaqësues të korit diplomatik.
Ekspozita do të jetë e hapur për publikun në ambientet e Bibliotekës Kombëtare të Kosovës deri më 2 tetor 2022.
Follow us on