Filmi çek “Palaçot” në Frankofoni
27.03.2019 / 15:58 | Aktualizováno: 27.03.2019 / 16:03
Më 25 mars 2019, Ambasada e Çekisë në Prishtinë mori pjesë në ngjarjet e Frankofonisë me prezantimin e filmit çek “Palaçot”, të regjisorit Viktor Tauš. I ngarkuari me punë në Mision, Dušan Králík, prezantoi paraqitjen e filmit në Institutin frëng, në Prishtinë. Një publik prej studentëve të Universitetit të Prishtinës, ushtarëve çek të KFOR-it dhe ata të misionit të UNMIK-ut, përfaqësuesi i Zyrës se BE-së në Prishtinë, përfaqësues të korit diplomatik dhe atashe të kulturës të Ambasadës së Francës dhe shumë të tjerë shikuan filmin me interesim të madh.
Palaçot Oskar, Max dhe Viktor – në fillim të karrierës së tyre krijuan një super yll me tri palaço të quajtur “The Busters”. Loja e tyre prej palaço personifikon ujdhesa të vogla lirie në mes të një moçali të palëvizshëm të dorëheqjes gjatë regjimit komunist në ish Çekosllovaki. Mirëpo, një shpërthyes papajtueshmërie, qon tek ndarja e tre palaçove. Siç rezulton, palaçot të dashur nga kombi, nuk mund ta durojnë njëri-tjetrin. Tash, pas 30 viteve në mërgim, Oskar (Didier Flamand) kthehet për ta përfunduar karrierën artistike në Pragë. Takimi me ish miqtë e tij e dërgon në konfrontim të pashmangshëm me Viktor-in (Jiří Lábus) që tash është shumë mbi peshë dhe me të sëmurin e vazhdueshëm Max (Oldřich Kaiser). Edhe pas gjithë kësaj kohe pyetja ngelet e njëjtë: kush do të qesh i fundit?
Pas prezantimit shumë të suksesshëm të “Palaçove” u bë një pritje në Institutin frëng në Prishtinë.
Follow us on