Ministrat e V4-shit përsëritën interesimin e tyre të vazhdueshëm në përkrahje të vendeve të Ballkanit Perëndimor, në rrugën e tyre të pranimit në BE dhe në NATO dhe ftuan BE-në e NATO-n që të mbajnë dyert hapur në agjendat e tyre për pranim. Politika e zgjerimit të BE-së dhe NATO-s japin kontribut të madh në arritjen e sigurisë dhe stabilitetit, jo vetëm  për Ballkanin Perëndimor por për tërë Evropën. Zëvendësministri Dürr theksoi se BE-ja dhe NATO nuk do të jenë të plota pa vendet e Ballkanit Perëndimor.

Përfaqësuesit e V4-shit mirëpriten themelimin e Fondit për Ballkanin Perëndimor (WBF), të inspiruar nga Fondi Ndërkombëtar i Vishegradit. Ata shprehën shpresën se WBF do të zhvillohet me sukses dhe qëndrueshmëri duke u bërë një mjet i fuqishëm për thellimin e kontakteve, të njerëzve me njëri tjetrin, dhe për pajtimin në rajonin e Ballkanit Perëndimor.