Ndërlidhur me vizitën e paradokohëshme të emisarit të veçantë për Ballkanin Perëndimor dhe ish-komisionerin e Komisionit Europian, Štefan Füle, kryetari Hoxhaj çmoi mbështetjen për zbatimin e liberalizimit të vizave për qytetarët e Kosovës. Heqja e vizave është një faktor kyç për qytetarët e Kosovës në arritjen e të drejtave të barabarta me qytetarët e vendeve tjera të Ballkanit Perëndimor.

Kryetari Hoxhaj vlerësoi angazhimin e qeverisë së Çekisë si kryesuese e vendeve të Grupit të Vishegradit. Ai, në këtë kontekst shprehu shpresën e tij se Grupi i Vishegradit do të nxis deklarimin e Komisionit Europian për afatin e zbatimit të udhëtimit pa viza në Europë, për qytetarët e Kosovës.