Mirënjohja e Nderit të Arteve të Bukura të ekspozitës “Lidice 2015”, sërish, shkon në shkollën “Liria”

08.10.2015 / 11:35 | Aktualizováno: 08.10.2015 / 11:37

Më 30 shtator 2015, ambasadori i Republikës së Çekisë në Kosovë z. Ivo Šilhavý pas një viti sërish vizitoi shkollën fillore “Liria”, në fshatin Pogragjë të Gjilanit, për t’i dorëzuar nxënësit Sevdail Mustafa Mirënjohjen e Nderit, për punimin e tij artistik të prezantuar në Ekspozitën Ndërkombëtare të Fëmijëve në Arte të Bukura “Lidice 2015”. Në fjalimin e tij të shkurtër ambasadori Šilhavý theksoi kontekstin historik të ekspozitës në kujtim të fëmijve të Lidice-s, të vrarë nga nacistët. Në të njejtën kohë ai vlerësoi interesimin e nxënësve dhe më së shumti talentin e tyre si dhe përkrahjen e mësuesve që është dëshmuar me faktin se një nxënës i kësaj shkolle për herë të dytë shpërblehet në këtë ekspozitë ndërkombëtare për fëmijë. Dorëzimi cermonial i Mirënjohjes u bë në praninë e babait të Sevdailit, të mësuesve, nxënësve të shkollës së tij dhe të përfaqësuesve të OJQ-ve.