Ministri i punëve të jashtme të Republikës së Çekisë, z. Tomáš Petříček, theksoi marrëdhëniet shumë të mira dy-paleshe dhe përkrahjen e vendeve të Ballkanit Perëndimor, përfshirë edhe Kosovën, në Bashkimin Evropian. Ministri i punëve të jashtme të Kosovës, Behgjet Pacolli, përshkroi marrëdhëniet në mes të Republikës së Çekisë dhe të Kosovës si të shkëlqyeshme, dhe falënderoi për përkrahje në rrugën e Kosovës drejt Bashkimit Evropian dhe anëtarësimit në organizata ndërkombëtare.