Themeluesi i sajë dhe CEO, Mërgim Cahani, informoi për sukseset dhe për planet e ardhshme të kompanisë së tij. Gjatë vizitës udhëheqësi i Ambasadës, Pavel Bílek, theksoi se “Gjirafa” është një shembull i suksesit të jashtëzakonshëm të një kompanie me teknologji bashkëkohore me potencialin për ngritje të suksesshme në të ardhmen. Në suksesin e saj, po ashtu, ka kontribuar investimi çek.

“Gjirafa” është një portal dominant për informim, medie dhe shitje në rajonin e Ballkanit Perëndimor. Këtu përfshihen edhe investimet çeke. “Gjirafa” është themeluar para disa viteve si start up, në mjediset e lehtësuesit të Pragës “Startup Yard”. Tash është kompania teknologjike me rritjen me të shpejt në Ballkanin Perëndimor.