Takimi i ministrave të jashtëm ishte  një mundësi për të siguruar vendet e Ballkanit Perëndimor se Grupi i Vishegradit mbështet integrimin e të gjithë rajonit në BE. “Zhvillimi ekonomik dhe stabiliteti politik i Ballkanit Perëndimor janë të lidhura ngusht me sigurinë dhe prosperitetin e  tërë rajonit të Evropës Qendrore dhe asaj Linore. Në të shkuarën unë kam mësuar shumë mësime të kësaj të vërtete”, u citua ministri Zaoralek.

Grupi i Vishegradit ndanë me vendet e Ballkanit Perëndimor përvojën e vet nga bashkëpunimi rajonal dhe synon në themelimin e bashkëpunimit të thellë në mes të dy rajoneve. Fondi i Ballkanit Perëndimor do të funksionojë në baza dhe parime të Fondit Ndërkombëtar të Vishegradit. Selia e re e Fondit do të jetë në Tiranë. Secili vend i Ballkanit Perëndimor do të depozitojë nga 30,000 euro ndërsa vendet e Vishegradit së bashku do të kontribuojnë me 80,000 euro për të mbështetur ndihmën e ekspertëve për fillimin e veprimtarive të Fondit.