Gjatë fjalës së tij, Ambasadori Urban tha se rrugëtimi i Republikës Çeke në BE nuk ka qenë shumë i lehtë, por shpërblyes dhe e konsideroi anëtarësimin në BE si themelin e shtetit të sigurt dhe të suksesshëm që është sot Çekia.

 

Ambasadori shprehu gjithashtu gatishmërinë e Republikës Çeke për të ndarë përvojën me Shqipërinë në rrugën drejt integrimit, si dhe vlerësoi punën Kuvendit të Shqipërisë në përafrimin e legjislacionit vendas me Acquis Communitaire.

 

Në fund, Ambasadori Z. Karel Urban dhe Kryetarja e Kuvendit znj. Nikolla përuruan Ekspozitën “Jemi rritur në BE”. Ekspozita paraqiti ngjarjet kryesore historike të Republikës Çeke drejt dhe në BE.

 

Ekspozita do të jetë e hapur gjatë javës në ambientet e Kuvendit të Shqipërisë.