Gjatë takimi të tyre të dy ministrat diskutuan rreth forcimit të bashkëpunimit në luftën kundër krimit të organizuar, emigracionit të paligjshëm, lidhjes së kontakteve ndërmjet policive rrugore, si dhe arsimimit profesional të trupës së policisë. Në takim u vlerësua bashkëpunimi i afërt dhe profesional midis dy policive i cili në vitet e fundit ka arritur dinamika të reja.

Anëtarë te delegacionit çek ishin edhe Presidenti i Policisë Çeke Z. Jan Švejdar, si dhe Drejtori i Përgjithshëm i Skuadrës së Shpëtimit nga Zjarret Z. Drahoslav Ryba.

Pavarësisht krizës aktuale politike në Shqipëri, Kryeministri i Parë dhe Ministri i Brendshëm Çek në një konferencë të përbashkët për shtyp me homologun e tij shqiptar, theksoi mbështetjen e fuqishme të palës çeke ne ambiciet e Shqipërisë për  integrimin në BE, ku citoi se: “Integrimi në BE duhet të jetë një destinacion i përbashkët për të gjitha palët politike të interesit”.