Kërkime të Arkeologëve Çekë në Shqipërinë e Jugut
06.11.2020 / 01:00 | Aktualizováno: 06.11.2020 / 04:15
Për disa vite, ekspertë nga Departamenti i Arkeologjisë dhe Muzeologjisë në Universitetin Masaryk po punojnë në Shqipëri.
Për disa vite, ekspertë nga Departamenti i Arkeologjisë dhe Muzeologjisë në Universitetin Masaryk po punojnë në Shqipëri.
Projektet më të mëdha për fat të keq u anuluan këtë vit për shkak të kufizimeve të COVID-19. Sidoqoftë, u zbatua një plan i modifikuar. Në bashkëpunim me Z. Ulsim Toto, antropolog nga Instituti Kombëtar Arkeologjik në Tiranë, ekspertët mblodhën mostra të mbetjeve skeletore nga siti i varreve të Orikumit antik. Nxjerrja e kolagjenit skeletor do të çojë në përcaktimin e dietës mbizotëruese të personave të kohërave antike dhe do të tregojë shumë për origjinën e tyre.
Në Shqipërinë e Jugut, në rajonin e Tepelenës, ekipi studioi dokumentacionin në 3D të të ashtuquajturit ujësjellësi i Ali Pashait afër fshatit Bençë. Roli i ujësjellësit është pjesë e një projekti më të madh që studion efikasitetin e rezervuarëve të vegjël të ujit në rajone ku burimi kryesor dhe i vetëm i ujit është dhe ka qenë uji i shiut. Këto sisteme antike ishin shumë efikasë dhe mund të shërbejne edhe në ditët e sotme.
Në kuadër të një pune më të madhe kërkimore në zonë, ekipi vizitoi qytetet antike te Amantias, Antigoneas, Lekëlit dhe shumë të tjerë.
Projekti është pasuruar me një qëllim tjetër shkencor që është hulumtimi i origjinës së kuajve malorë shqiptarë. Ekipi mblodhi informacionin dhe materialin bazë për testimin e ADN-së dhe gjetjet kryesore u botuan në revistën Equitation.
Pavarësisht nga kufizimet në aktivitetet e këtij viti, ekspertët kanë mbledhur mjaft informacion, të dhëna dhe materiale që hapin një gamë të gjerë temash studimore në perspektivë, zgjidhja e të cilave mund të ndihmojë në zgjidhjen e problemeve serioze të shoqërisë aktuale. Projektet kërkimore dhe pasuese arkeologjike do të vazhdojnë në Shqipëri edhe në vitet në vijim.
Follow us on