ПРОПЕА хөтөлбөрийн урт хугацааны зорилго нь:

• Гадаадын зах зээл дээрх чехийн компаниудад чанартай үйлчилгээ үзүүлэх,
• Гадаадын хэцүү зах зээлд нэвтэрч орж ирэх чех компаниудын эрсдлийг бууруулах,
• Цаашдаа чехийн компаниудын гадаадын зах зээл дээрх үйл ажиллагаа зөвхөн экспортоор хязгаарлагдахгүй харин хөрөнгө оруулалтын чанартай болох тал дээр нь дэмжих,
• Гадаадын зах зээлд чехийн компаниудыг байнгын оролцоотой байхыг дэмжих БНЧУ-ын боломжийг нэмэгдүүлэх

ПРОПЕА хөтөлбөр нь эдийн засгийн дипломацийг дэмжих салбар дундын хамтарсан хэрэгсэлд зориулсан төсвөөс санхүүжүүлэгддэг. ПРОПЕА төслийн хүрээнд үзүүлж байгаа үйлчилгээг чех компаниудад хөнгөлттэй үнээр үзүүлдэг бөгөөд Монгол улс дахь компаниудын хувьд элчин сайдын яамнаас эдийн засгийн дипломацийг дэмжих ПРОПЕД төсөл хэлбэрээр үзүүлдэг ганцаарчилсан үйлчилгээнд нэмэлт болж өгдөг юм. ПРОПЕА-гийн хүрээнд үйлчилгээ авахаар сонирхлоо илэрхийлсэн чехийн компанид үйлчилгээ үзүүлсэн үнийн дүнгийн 70 %-ийг тус төслийн санхүүжилтаас үлдсэн 30%-ийг тус компани өөрөө хамтарч төлдөг. ПРОПЕА-гийн хүрээнд чехийн компаниудын авч болох цогц үйлчилгээнд дараах зүйлс орно. Үүнд:

• Зах зээлд нэвтэрч орох эсвэл хөрөнгө оруулалтын бизнес төлөвлөгөөг боловсруулах,
• Хуулийн, татварын, санхүүгийн болон хууль эрхзүйн анализийг боловсруулах,
• Бүтээгдхүүнээ зах заалд гаргах (санхүүгийн байгууллагуудтай уулзалт хийх, данс нээх, санхүүжилт олох, компани байгуулахад туслах гэх мэт.),
• Зөвшөөрөл, сертификат(гэрчилгээ) авах, бүтээгдхүүний бүртгэл хийлгэх, барааны тэмдэг авахад дэмжлэг үзүүлэх,
• Импорт/экспорт, тээвэр логистикийн баримт бичиг бүрдүүлэх, баталгаажуулах,
• Нийлүүлэгчийн болон түншлэлийн сүлжээг бий болгох, зохицуулалт хийх,
• Суртчилгаа, маркетинг болон ПиАр үйлчилгээ хийхэд дэмжлэг үзүүлэх
• Үйлдвэрлэл/үйл ажиллагаа эхлүүлэхэд компаниудын хувьд салбарын зүгээс техникийн орчинг ашиглахад дэмжлэг үзүүлэх,
• Тухайн газар нутаг дээр компанийг төлөөлөх (чехийн компани болон гадаадын төлөөлөгч хоёрын хооронд хийсэн худалдааны гэрээн дээр үндэслэнэ. Гэхдээ ПРОПЕА-гаас санхүүгийн дэмжлэг авахгүйгээр).

ПРОПЕА-г хэрэгжүүлэгч нь мөн чехийн компаниудад COVID-19 вирусын тархалттай холбоотойгоор авч хэрэгжүүлж буй онцгой арга хэмжээнүүдээс үүдэн гарах худалдааны харилцааны тасралтгүй  байдлыг үргэлжлүүлэх, тээвэр логистиктой холбоотой болон бусад асуудлуудыг шийдвэрлэх тал дээр зөвлөгөө өгч ажиллана. Хүмүүсийн хөдөлгөөний хязгаарлалттай үед (2021 оны 3 сарын 31 хүртэл Монгол улс руу нэвтрэхийг хориглосон) Чехийн бизнесийг дэмжих төвийнхөн чехийн компаниудтай биечлэн холбогдож орон нутаг дахь тэдний үйл ажиллагаанд анхаарал тавьж ажиллана.

Монгол улсад ПРОПЕА-гийн үйлчилгээг худалдааны салбарт туршлагатай сурталчлагч болох Ичинхорлоогийн Сэр-одын удирдаж буй Чехийн бизнесийг дэмжих төв санал болгож байгаа бөгөөд тэрээр Монголын худалдаа аж үйлдвэрийн танхимд ажиллаж байсан одоо Монголын бизнесийн датабааз байгууллагыг www.mongolianbusinessdatabase.com  удирдаж байгаа монголын бизнесийн орчинд олон жил үйл ажиллагаа явуулж буй туршлагатай нэгэн билээ. Тэрээр Монгол улсад бизнес эрхлэхэд зөвлөх үйлчилгээ үзүүлнэ. www.b2bmongolia.com. Ноён Сэр-Одтой serod@b2bmongolia.com. хаягаар холбогдож болно.

Монгол улсад чехийн компаниудын эдийн засгийн үйл ажиллагааг дэмжих төслийг хэрэгжүүлэх гэрээнд 2021 оны 2 сарын 15-ны өдөр Ичинхорлоогийн Сэр-Од Монгол улсад суугаа БНЧУ-ын элчин сайд ноён Ийржи Бродский нар гарын үсэг зурлаа. Энэ өдрөөс эхлэн чехийн компаниуд үйлчилгээ авах боломжтой болж байна.

Монгол улс дахь БНЧУ-ын Элчин сайдын яамны Худалдаа-эдийн засгийн хэлтсээс Та бүхний сонирхсон асуултанд имэйл хаягаар хариулахад бэлэн байна.