ОХУ-ын эсрэг хориг арга хэмжээ авах, визийн хэлэлцээрийг түдгэлзүүлэх асуудлаар тохиролцоонд хүрч чадсан. Бид ЕХ-ны байгалийн хий, цахилгаан эрчим хүчний зарцуулалтыг бууруулахаар тохиролцоонд хүрснээр эрчим хүчний хямралыг шийдэж, нөөцийн хэмжээг нэмэгдүүлэн, бусад эх үүсвэрээс ирэх нийлүүлэлтийг эрчимжүүлж чадсан. Бид нийтлэг, нэгдмэл шийдлүүдийг эрэлхийлж, үүндээ ч хүрч чадлаа. Жазз хөгжмийн аялгуу эгшиглүүлсэн албан бус үдэшлэгийг Улаанбаатар хот дахь Fat Cat жазз клубт зохион байгуулж, 1989 оны Хамба хилэн хувьсгалын үеийн гэрэл зургийн үзэсгэлэнг дэглэсний сацуу Бүгд Найрамдах Чех Улсаас Монгол Улсад суугаа Элчин сайд Ян Вытопил дээрх дүгнэлтийг хамтран зүтгэгчид, мэргэжил нэгтнүүд болон хүндэт зочиддоо тайлбарлан толилууллаа.  

"Монгол Улсад суугаа, найрсаг харилцаатай бараг бүх орны Элчин сайдууд, тэр дундаа олон улсын байгууллагын тэргүүн нар шахуу ажлын хөтөлбөрөөсөө цаг зав гарган хүрэлцэн ирсэн нь бидний ЕХ-ны Зөвлөлийг даргалсан ажил хийгээд энэ улсад хийж бүтээсэн олон жилийн хүч хөдөлмөрийг хүлээн зөвшөөрч, талархаж буйн илрэл гэж би үзэж байна” хэмээн Элчин сайд Ян Вытопил амжилттай зохион байгуулсан энэхүү арга хэмжээнийхээ үеэр дурдан тэмдэглэв.