Гісторыя стварэння абразоў звязана з выставай “Княгіня святая Людміла”, якую чэшскае дыпламатычнае прадстаўніцтва ў Мінску ў 2021–2023 гадах паступова прадставіла ва ўсіх гарадах, у якіх знаходзяцца кафедры беларускіх рымска-каталіцкіх біскупаў. Выстава была ўрачыста адкрыта ў верасні 2021 года ў Мінску, у ліпені 2022 года – у Віцебску, у жніўні 2022 года – у Гродне, а ў лютым 2023 года – у Пінску і ў Магілёве.

Аўтарам абразоў, у асвячэнні якіх маюць прыняць удзел прадстаўнікі чэшскага каталіцкага Касцёла, з’яўляецца беларуская мастачка Ядзвіга Сянько.

На ўрачыстым мерапрыемстве, падчас якога выступіў вакальны калектыў “Голас душы”, з прамовай да прысутных звярнуліся арцыбіскуп Мінска-Магілёўскай архідыяцэзіі Яго Эксцэленцыя Юзаф Станеўскі, глава дыпламатычнага прадстаўніцтва ў Мінску – Часовы Павераны ў справах Чэшскай Рэспублікі ў Рэспубліцы Беларусь спадар Томаш Крыл і пробашч парафіі святых Сымона і Алены ксёндз Уладзіслаў Завальнюк. У імпрэзе прынялі ўдзел шматлікія каталіцкія вернікі і прадстаўнікі Пасольства Чэшскай Рэспублікі ў Рэспубліцы Беларусь.

Вакальны калектыў “Голас душы”