по-русски  па-беларуску  česky 

Пашыраны пошук
na_celou_sirku
Фота: IG
Звяртаем увагу на артыкул надрукаваць Змяніць шрыфт Павялічыць памер шрыфту

Беларускія прадпрымальнікі цікавяцца галіной піваварэння ў Чэхіі

23-26 красавіка 2019 года Чэшскую Рэспубліку наведала дэлегацыя ўладальнікаў піваварных заводаў, крамаў і рэстаранаў у складзе 12 чалавек на чале з выканаўчым дырэктарам саюза «Гільдыя півавараў» Беларусі Уладзіславам Скрабцовым. Паездка была фінансавана ў рамках PROPED (праект падтрымкі эканамічнай дыпламатыі) з мэтай аб'яднання чэшскіх кампаній з беларускімі прадпрымальнікамі, зацікаўленымі ў пастаўках тэхналагічнага абсталявання і сыравіны.

Уводную сустрэчу з дэлегацыяй у Міністэрстве сельскай гаспадаркі адкрыў намеснік міністра сельскай гаспадаркі Іржы Шыр. Пасля гэтага была прэзентацыя спецыялістаў Інспекцыі па праверцы і ахове сартоў раслін і Міністэрства сельскай гаспадаркі Чэшскай Рэспублікі на тэмы «Сістэма рэгістрацыі гатункаў раслін у Чэшскай Рэспубліцы" і "Рэгуляванне рынку алкаголю ў Чэшскай Рэспубліцы».

Праграма працягнулася прэзентацыямі тэхналогій піваварніцтва ў чэшскіх кампаніях. Сустрэчы беларускай дэлегацыі адбыліся з прадстаўнікамі вядучых вытворцаў бровараў, такіх як Pacovske strojirny, Destila і Mini Brewery System, а таксама з прадстаўнікамі прадпрыемстваў Bohemia Hop і Soufflet Agro. Сапраўды выключнае ўражанне на дэлегацыю зрабіў выдатны бровар у замку Хішэ, які паставіла фірма CONTECHIN, а таксама знаёмства з броварам Plzeňský Prazdroj.

У канцы праграмы ў Хімічна-тэхналагічным універсітэце быў праведзены інтэрактыўны семінар, пасля якога адбылася дыскусія на тэму «Піваварная і соладавая прамысловасць».

Падтрымка ў рамках эканамічнай дыпламатыі дапамагае паглыбіць кантакты паміж чэшскімі і беларускімі кампаніямі і, такім чынам, развіць добрую традыцыю паставак чэшскіх тэхналогій на беларускі рынак. У сувязі з гэтым рэалізацыя місіі з'яўляецца канкрэтным крокам для падтрымкі дзелавых інтарэсаў чэшскіх кампаній на тэрыторыі Беларусі.

Аўтар: Іван Галат, гандлёвы саветнік Пасольства Чэшскай Рэспублікі ў Мінску