Programi është realizuar brenda kornizave të programit për promovimin e diplomacisë ekonomike të financuar nga Ministria për Industri dhe Tregti e Republikës së Çekisë dhe është realizuar nga “Škoda Praha”. Kosova do të prezantohet nga menaxhmenti i Korporatës Energjetike të Kosovës  (KEK) dhe nga menaxhmenti i termo-elektranave “Kosova A” dhe “Kosova B”.

Energjetika e Kosovës, kryesisht, është e bazuar në djegien e linjitit të marrë nga minierat e qymyrit afër termo-elektranave “Kosova A” dhe “Kosova B”. Të dy termo-elektranat, si dhe minierat, kërkojnë rindërtime në një të ardhme te afërt. Qeveria e Kosovës, po ashtu, po përgatitet për ndërtimin e një termo-elektrane të re _ “Kosova C/ e Re”, e që realizimi i sajë është kontraktuar nga partneri amerikan “Contour Global”. Mundësitë në një sërë teknologjie klasike të energjisë janë të hapura për kompanitë çeke në disa vitet e ardhshme.

Gjatë takimit me ambasadorin z. Ivo Šilhavy, kryeministri i Kosovës, Ramush Haradinaj, çmoi bashkëpunimin e Ambasadës së Çekisë, në përgatitjet për këtë mision të ekspertëve të Kosovës në Çeki dhe theksoi potencialin e madh në zgjerimin e marrëdhënieve dypalëshe, në veçanti në ekonomi dhe tregti. Kryeministri konsideron se projekti i ardhshëm për rindërtimin e termo-elektranës “Kosova B” është një mundësi bashkëpunimi me kompanitë çeke.  

 Në seminar, kryesisht, janë ftuar anëtarët e CPIA-së dhe ata të kompanive çeke të cilët janë të interesuar të marrin pjesë në meremetimin dhe ndërtimin e sektorit energjetik të Kosovës. Ngjarja do të mbahet në Ministrinë e Industrisë dhe Tregtisë të Republikës së Çekisë, në rrugën “Politických vězňů”, më 31 tetor 2017.

Për më shumë informata ju lusim të kontaktoni Ing. Peter Krupčík, mobil: +420 734 763 563.