Versioni legjendar i filmit, i bazuar në romanin e pavdekshëm, është riparuar së fundmi teknikisht nga Arkivi i Filmit dhe u rishfaq me titra në gjuhën shqipe.

Znj. Marika Dhonato, ish-studente shqiptare e viteve gjashtëdhjetë në ish-Çekosllovaki, prezantoi autorin dhe veprën. Ajo nënvizoi rëndësinë e romanit të Jaroslav Hashekut për shqiptarët si një nga veprat e rralla anti-totalitare që i shpëtoi censurës së regjimit. Humori unik dhe mënyra krejtësisht e veçantë e Shvejkut për t'u përballur me rutinën ushtarake dhe me situatat absurde, i siguruan shumë shqiptarëve një lloj ‘arratisje’ nga realiteti jashtëzakonisht shtypës i kohës.